Мэргэжлийн снукер биллиардын чансааны оноо олгох энэ оны сүүлийн Scottish Open тэмцээн үргэлжлэн явагдаж байна.
Өнөөдрийн байдлаар /12.14/ шөвгийн 16-д өрсөлдөх эхний тамирчид тодроод байгаа ба Марк Селби, Жадд Трамп, Лука Бресел нарын дэлхийн аваргууд хожигдон тэмцээнээ дуусгаад байна. Тодруулбал дэлхийн чансааны 2-т эрэмбэлэгдэж буй Ж.Трамп аварга эхний тойрогт Хятадын залуу тамирчин З.Андад 4:2 харьцаагаар хожигдон тэмцээнээ өндөрлүүллээ. З.Андагийн хувьд энэ оны English Open тэмцээний шигшээ тоглолтод Ж.Трамп аваргатай хүч үзэн хожигдож байсан бол энэ удаа ялалт байгууллаа. Харин дэлхийн чансааны 4-т эрэмбэлэгдэж буй шинэхэн дэлхийн аварга Л.Бресел, 5-т эрэмбэлэгдэж буй М.Селби нар хоёрдугаар тойрогт чансаа доогуур тамирчдад хожигдон тэмцээнээ өндөрлүүллээ.
