Өнгөрсөн долоо хоногт "CU" сүлжээ дэлгүүрийн ажилтан руу нэгэн иргэн сүх далайж, айлган сүрдүүлсэн хэрэг гарсан. Тус хэргийг Хан-Уул дүүргийн цагдаагийн газрын нэгдүгээр хэлтсээс шалгаж, зөрчлийн хуулиар шийтгэл оногдуулжээ.

Тодруулбал, Хан-Уул дүүргийн 20 дугаар хорооны нутаг дэвсгэрт байрлах “CU” дэлгүүрт 2023 оны 10 дугаар сарын 11-ний өдөр иргэн “М” нь сүх гарган худалдагчийг айлган сүрдүүлж, танхайрсан үйлдэлд Зөрчлийн тухай хуулийн 5.2 дугаар зүйлд зааснаар шүүхээс энэ сарын 20-ны өдөр 15 хоног баривчлах шийтгэл оногдуулсан байна.

---