"Хар сарнай" хамтлагийн дуучин С.Амармандах буюу Амараад дээрэмдүүлснээс орон байраа алдах дээрээ тулаад байгаа хэмээн хэвлэлийн хурал хийж байсан телевизийн хөтлөгч Э.Энхзоригийг Сүхбаатар дүүргийн цагдаагийн нэгдүгээр хэлтэст шалгаж байна. 

Тэрээр иргэн Б-аас 2022 оны ес, аравдугаар сард гурван удаагийн гүйлгээгээр нийт 40 сая төгрөг зээлж авсан ч одоо болтол төлөхгүй зугтааж байгаа аж. Зээлэхдээ өөрийн найз Учралыг дагуулж очин "Лоунж түрээслэх гэтэл мөнгөгүй болчихоод байна. Шинэ жилийн хүлээн авалт хийгээд төлнө. Бүр аргагүйдвэл Э.Энхзориг хөтлөлт хийгээд дор нь төлнө" гэжээ. 

Гэвч тэд лоунжаа ажиллуулаагүй бөгөөд ашиглаж байсан яригч, хөгжим, пульт зэргийг өгөхөөр бичгээр амлалт өгсөн ч өгөөгүйгээр барахгүй утсаа салган алга болжээ. 

---