Улс төрийн намын тухай хууль /шинэчилсэн найруулга/, МУИХ-ын сонгуулийн тухай хуульд нэмэлэт өөрчлөлт оруулах тухай хуулийн төслүүдийн хэлэлцүүлэг эхэллээ. Энэ үеэр УИХ дахь МАН-ын бүлгийн дарга Д.Тогтохсүрэн 2019 онд оруулсан Үндсэн хуулийн нэмэлт өөрчлөлтөөр сонгуулийн тухай хуульд өөрчлөлт оруулах шаардлага тулгарсан. УИХ-ын гишүүдээс хоёр ч тусдаа хууль орж ирсэн бөгөөд өнөөдөр парламент уг хоёр хуулийг нийлүүлж хэлэлцэж эхэллээ.

Онцлох зохицуулалт:

-Сонгуулийн хосолсон тогтолцоог хийнэ. Можаритар буюу олонхийн тогтолцоогоор 38 гишүүнийг, хувь тэнцүүлсэн тогтолцоогоор мөн 38 гишүүнийг сонгоно. 

-Жагсаалтаар нэр дэвшсэн улс төрч тойрогт нэр дэвшихгүй. Өөрөөр хэлбэл "гулсдаг" тогтолцоо одоо байхгүй.

-Улс төрийн нам тойргийн мандатад дор хаяж 50 хувьд нэр дэвшүүлнэ.

-Улс төрийн намын босго гурван хувь байна. Өмнө нь таван хувь байсан. Эвслүүд буюу хоёр нам нийлж эвсэл болвол 5, гурав ба түүнээс дээш нам нэгдэж орвол 7 хувь байна. 

-Нэр дэвшүүлэх үйл ажиллагаатай холбоотой гурван заалт бий. Нэгдүгээрт, аль нэг хүйсийн төлөөлөл 30 хувиас доошгүй байна. хоёрдугаарт, сонгогчдын 28 хувиас доошгүй санал авсан тохиолдолд УИХ-ын гишүүнээр тооцно, гуравдугаарт, гадаадад байгаа сонгогчдоос санал авна. Ингэхдээ өмнө нь хоёр өдөрт багтааж авдаг байсан бол дөрвөн өдөр болгож сунгасан. Нам эвсэл түүнээс жагсаалтаар нэр дэвшигчдэд санал өгнө. Тойрогт нэр дэвшигчдэд санал өгөхгүй. 

-Урьдчилж санал авах ажиллагааг оруулж ирсэн. Өмнөх сонгуулийн тогтолцоогоор урьдчилсан санал авалт байхгүй болсон байсан. Одоо тав хоногийн өмнө санал авснаар "царцаа" байхгүй болно. 

-Сонгуулийн зардлыг буулгасан. Үүнд: 

• Ухуулагчийн зардал 30 хувь буурна. 200 сонгогч тутамд нэг ухуулагч байдаг байсан бол одоо 400 сонгогч тутамд нэг ухуулагч байна. 
• Ухуулагчийн урамшуулал хөдөлмөрийн хөлсний доод түвшингээс хэтрэхгүй байна. 
• Тээврийн хэрэгсэл 50 хувь буурсан. Нэг хэсэгт дөрвөөс доошгүй тээврийн хэрэгсэл ашигладаг байсан бол одоо хоёроос илүүгүй байна.
• Хэвлэмэл материалын хэмжээг 30 хувь буулгасан. Өмнө нь гурван хэвлэлийн хуудас сонин, гурван хэвлэлийн хуудас сэтгүүл ашиглаж болдог байсан бол одоо 2,2 байна.
• Нэг хэвлэмэл хуудас ухуулах хуудас гаргана. Ингэхдээ зардал 50 хувь буурахаар тооцож байна. Нэг хэсэгт 20-иос доошгүй байсныг 10-аас доошгүй болгов.
• Сонгуулийн сурталчилгааны  хэвлэмэл материалыг бүхэлд нь баррель үсэгтэйгээр хэвлүүлж болно. Энэ нь хуульд заасан хэмжээнд хамаарахгүй. 
• Жагсаалтаар нэр дэвшиж буй хүний сонгуулийн сурталчилгааны зардлыг тухайн улс төрийн нам хариуцна. Ингэхдээ гурван хэвлэлийн хуудсаас хэтрэхгүй байна. 
• Зурагт самбарын зардал 70 хувь буурна. Нэг хэсэгт 10-аас доошгүй самбар байж болохоор байсан бол аймаг нийслэлд 5, сум дүүрэгт 3-аас илүүлгүй самбар байна. 
• Радио телевизээр улс төрийн намууд хөтөлбөрөө танилцуулж мэтгэлцээн хийх заалт нэмж оруулж байна. 
• Цахим орчин ашиглаж сонгуулийн сурталчилгаа явуулахдаа сонгуульд хэрэглэж буй нийт зардлын 15 хувиас хэтрэхгүй байхаар зохицуулав. 
• Саналын хуудас хоёр байна. Тойрогт нэр дэвшигч, нам эвслээс жагсаалтаар нэр дэвшигчийн гэсэн хоёр тусдаа байна. Өөрөөр хэлбэл сонгогч хоёр хуудас бөглөх бөгөөд нэр дэвшигчид өгсөн саналыг нам эвсэлд өгсөн саналд тооцно.

-Сурталчилгааны хоног 17 байна. 

---