МАН-ын Удирдах зөвлөлийн хуралдаан дөнгөж сая өндөрлөлөө. Хуралдаанаас гарсан шийдвэрийг МАН-ын Удирдах зөвлөлийн нарийн бичгийн дарга А.Ариунзаяа танилцуулсан билээ.

Тэрбээр, хуулиар Шадар сайдын статусыг Эдийн засаг хөгжлийн сайд хавсран хийхээр томилсон. Ийм учраас Ч.Хүрэлбаатар сайдыг Эдийн засаг хөгжлийн сайд буюу Шадар сайдаар томилохоор боллоо хэмээсэн.

Одоо Шадар сайдын албыг хашиж буй С.Амарсайханыг албан тушаалаа өгсөн мэт ойлголт төрөөд буй. Үүнд А.Ариунзаяа "Засгийн газрын хуулийн дагуу хоёр Шадар сайдтай ажиллах болсон. Одоогийн Шадар сайд С.Амарсайхан үүрэгт ажлаа үргэлжлүүлэн хийнэ. Ч.Хүрэлбаатар сайд Эдийн засаг хөгжлийн сайдын албын зэрэгцээ хавсарч мөн Шадар сайдын албыг хашна" гэв. 

 

---