Ням гарагийн орой Туркийн Истанбул хотын төв гудамжинд хүчтэй дэлбэрэлт болсны улмаас зургаан хүн амиа алдаж, 81 хүн шархадсан талаар бид өмнө нь мэдээлсэн. 

Тодруулбал, дэлбэрэлт орон нутгийн цагаар өчигдөр /2022.11.13/ 16:20 цагт болжээ. Туркийн ерөнхийлөгч Рэжэп Тайип Эрдоган халдлага үйлдсэн этгээдийг олж шийтгэхээ амласан бол сэжигтнийг баривчилсан гэж Дотоод хэргийн сайд мэдэгдээд байгаа юм.

Тэгвэл Истанбул хотод болсон уг халдлагад монгол хүн өртөөгүй. Нас барсан зургаан иргэн Турк улсын иргэд болохыг Гадаад харилцааны яамнаас мэдээлээд байна. 

Эх сурвалж: BBC

---