Жүдо бөхийн Улаанбаатар их дуулга тэмцээн өнөөдөр хоёр дахь өдрөө үргэлжлэн явагдана. 

30 орны 255 жүдоч Монгол улсын нийслэл Улаанбаатар хотноо хуран цуглаад байгаа ба тэмцээг зохион байгуулагч эзэн орны давуу эрхийн дагуу манай улсаас эрэгтэй 27, эмэгтэй 28 буюу нийт 55 жүдоч барилдаж байна. 

Тэмцээний эхний өдөр хөнгөн жин буюу эрэгтэй -60кг, -66кг, эмэгтэй -48кг, -52кг, -57кг жингүүдийн барилдаан явагдаж хоёр алт, хоёр мөнгө, дөрвөн хүрэл буюу нийт найман медаль хүртсэнээр багийн дүнгээр Монгол улсын баг, тамирчид тэмцээнд оролцож буй 30 орныг тэргүүлж байна. Эхний өдөр медаль хүртсэн тамирчдын мэдээллийг ЭНД дарж үзнэ үү. 

Өнөөдөр уламжлал ёсоор эрэгтэй -73кг, -81кг, эмэгтэй -63кг, -70кг жингүүдийн барилдаан явагдах ба манай улсаас дараах тамирчид хүч үзнэ. 

Эрэгтэйчүүдийн -73кг

-73 кг жингийн гол өрсөлдөгчид болох олимпын хошой аварга Японы Шохей Оно, Азербайжаны Рустам Оружов нэрээ татсанаар манай Ц.Цогтбаатар түрүүлэх боломжтой тамирчдыг тэргүүлж байна. Тэрбээр Гран При ангилалаас медаль хүртээд байгаа УАШТ-ий мөнгө, хүрэл медальт Лавжаргалын Анхзаяатай А хэсгийг тэргүүлэн барилдана.

Эрэгтэйчүүдийн -81кг:

Хамгийн олон буюу 30 жүдоч хүч үзэх энэ жинд манай дөрвөн залуу мастер хүч үзнэ. Манай улсаас 2021 оны улсын аварга, Парисын Их дуулгын хүрэл медальт Гэрэлтуяагийн Болор-Очир, залуучуудын улсын аварга Батзаяагийн Эрдэнэбаяр, Баттулгын Мөрренцэн өсвөр үеийн улсын аварга Төмөрсанаагийн Ренчиндорж нар зодоглоно.

Эмэгтэйчүүдийн -63кг:

Энэ жинд ОУХМ Болдын Ганхайч, оюутны Универсиад наадмын хүрэл медальт Баярбатын Баасанжаргал, залуу тамирчин Саранцэцэгийн Лхагвадулам, залуу тамирчин Лхагважаргал Дэлгэрмаа нар хүч үзнэ.

Эмэгтэйчүүдийн -70кг:

Тэмцээн 12:30 цагаас хэсгийн барилдаанаар эхлэх ба 17 цагаас шигшээ барилдаан явагдах хуваарьтай байна.