Залуучууд үнийн өсөлтийг эсэргүүцсэн тайван жагсаалыг гурван өдөр хийсний эцэст Засгийн газрын тэргүүн талбайд гарч ирж тэдний хүсэлт шаардлагыг хүлээн авсан. Үүний дараа ерөнхий сайд Л.Оюун-Эрдэнэ засгийн газрын ээлжит бус хуралдаан зарлаж, орой нь жагсагчдад шийдвэрээ танилцуулсан.

Ингэхдээ төрийн албан хаагчид Улаанбаатар хотод том оврын, тансаг автомашинаар зорчихгүй, ашиглахгүй. Эдгээр автомашиныг нэгдсэн зогсоолд байршуулна. Цаашлаад төрийн албан хаагчдын тасалгаанд метр, квадратын шалгуур тавих зэрэг бусад хэмнэлттэй холбоотой асуудлыг Засгийн газар шийдвэрлэснээ мэдэгдсэн.

Уг шийдвэртэй холбогдуулан Цахим хөгжил, харилцаа холбооны яамнаас мэдэгдэл гаргасан байна. Тодруулбал "Цахим хөгжил, харилцаа холбооны яам нь албаны автомашингүй бөгөөд хөдөө орон нутагт явахдаа түрээслэж хэрэглэдэг болно. Ерөнхий сайдын шийдвэрийн дагуу цаашдаа ч тус яаманд автомашины худалдан авалт хийхгүй бөгөөд хэрэгцээ шаардлагаас хамааран түрээслэх бодлого баримталж байна.
Бидэнтэй хамтран ажиллах авто машин түрээсийн компаниуд холбогдоно уу." гэжээ.

---