“Шинэ сэргэлтийн бодлогын хэрэгжилтийг орон нутагт эрчимжүүлэх нь” нэгдсэн зөвлөгөөнд Монгол Улсын Ерөнхий сайд Л.Оюун-Эрдэнэ оролцож байгаа билээ. Зөвлөгөөнд 21 аймгийн Засаг дарга нар оролцож буй.

Энэ үеэр тэрбээр "Би энэ онд 21 аймгаараа тойрч ажиллана. Наурызын баярыг тохиолдуулан эхлээд Баян-Өлгий аймагт ажиллана. Шинэ сэргэлтийн бодлогоо танилцуулна. Баян-Өлгий аймаг улсын төсөв харахгүйгээр яаж бие даан хөгжих вэ гэдэг асуудлыг ярилцана. Иргэдтэйгээ хэлэлцэн саналаа өгвөл төсвөө бие даан бүрдүүлж чадах томоохон 1-2 төслийг хэрэгжүүлж өгнө.

Дорноговь аймгийн өрсөлдөх чадвар эрс сайжирсан нь дэд бүтцийн хэмжээний төсөл хэрэгжүүлсний үр дүн юм. Аймгуудад байгаа хөгжлийн хязгаарлаж байгаа хүчин зүйлийг олох чиглэлээр ажиллана. 

Баян-Өлгийгөөс гараад цааш баруун аймгуудаар тойрно. Цаашлаад бүх аймгаар тойрох төлөвлөгөө бий. Гэхдээ гадаад айлчлал бас их байгаа учраас зохицуулаад ажиллана" гэлээ.

---