ОХУ-ын алдарт "Ногу Свело!" рок хамтлагийн үүсгэн байгуулагчдын нэг, бөмбөрчин Антон Якомульский эхнэрээ хамгаалж байгаад хийн буугаар буудуулжээ. Нэгэн үл таних этгээд түүний нүүр рүү нулимс асгаруулагчтай хийн гар буугаар буудсан бөгөөд тэрээр эхнэрийн хамт нүдэндээ химийн түлэгдэлт авсан байна.

Якомульский энэ хэргийн талаар "Нэг этгээд миний эхнэр рүү халдсан. Би эхнэрээ хамгаалсан. Гэтэл тэр миний нүүр рүү хийн буугаар буудсан. Мэдээж тааламжтай байгаагүй. Цагдаа, түргэн тусламж гээд бүгд л ирсэн. Энэ нь л рок-н-ролл байхдаа" хэмээн өөрийн олон нийтийн сүлжээн дээр бичжээ.

Үүнээс хоёр сарын өмнө, "25/17" хамтлагийн гоцлол дуучин Андрей Бледный гудамжинд буудуулсан талаар мөн мэдээлж байсан билээ. Тэгвэл "REN TV" агентлагийн мэдээлснээр, энэхүү халдлагыг үйлдсэн этгээд нь 18 настай эрэгтэй байсан аж.

Эх сурвалж: Известия

---