ОХУ-ын "25/17" хамтлагийн гоцлол дуучин Андрей Бледный Москвагийн гудамжинд буудуулсан бөгөөд эмнэлгийн тусламж авахаас татгалзсан гэж хууль хяналтын байгууллагын эх сурвалж "РИА Новости" агентлагт мэдээлжээ.

Эх сурвалжийн хэлснээр уг хэрэг өнгөрөгч ням гарагт Тверская гудамжинд болсон байна. Тэрээр "Үл таних нэг хүн Андрей Бледный рүү гар буугаар хоёр удаа буудсан. Гэрчийн дуудлагын дагуу цагдаа нар хэргийн газарт очсон хэдий ч Андрей Бледный эмнэлэг явахыг хүсээгүй. Түүний нүүр нь тэр чигээрээ цус болсон байсан хэдий ч тэрээр цагдаа нарт юу болсныг тайлбарлаагүй ба мэдүүлэг өгөхөөс татгалзсан. Зүгээр л гэртээ харихыг хүссэн" хэмээн ярьжээ.

Орон нутгийн цагдаа нар одоогоор мөрдөн байцаалтын өмнөх шалгалтыг гүйцэтгэж байгаа аж.

Эх сурвалж: Риа Новости, ТАСС

---