СПОРТ
ХӨГЖИМ
™ watch
Ковид-19 | 2021-04-09

Д.Сумъяабазар: Иргэд гэрийнхээ ойролцоо агаар салхинд гарч болно

Нийтэлсэн
2 жилийн өмнө


Сурталчилгаа
Нийтэлсэн:   Ш.Лхагва
2 жилийн өмнө

Засгийн газрын 2021 оны дөрөвдүгээр сарын 9-ний өдрийн хуралдаанаар энэ сарын 10-ны өдрөөс эхлэн 15 хоногийн хугацаанд улсын хэмжээнд хэсэгчилсэн бүх нийтийн бэлэн байдлын зэрэгт шилжүүлэх шийдвэрийг гаргасан.  

Дээрх хугацаанд нийслэлийн иргэд ямар журамд захирагдах талаар НОК-оос гаргасан шийдвэрийг Нийслэлийн засаг дарга бөгөөд Улаанбаатар хотын захирагч Д.Сумъяабазар танилцуулсан.  Дэлгэрэнгүй мэдээллийг ЭНД дарж уншина уу. 

Энэ үеэр сэтгүүлчид иргэдээс ирсэн асуултыг асууж, хариулт авлаа.

-Тээврийн хэрэгслийг яагаад QR кодоор зорчуулахгүй байгаа юм бэ?

- гэсэн тул автомашиныг тэгш, сондгойгоор зорчуулахаар шийдвэрлэлээ. Ажиллах зөвшөөрөлтэй салбарын ажилчид хувийн болон ажлын машин, нийтийн тээврээр зорчино. 

-Хотын ойролцоо амьдардаг иргэд товчоодоор нэвтрэхэд хүндрэлтэй байна?

-Хотын ойролцоох, шалган нэвтрүүлэх товчоодоор гарах иргэд зайлшгүй шаардлагатай үед иргэний үнэмлэхний хаягаараа, үйл ажиллагаа явуулдаг ААНБ-ын ажлын газрын үнэмлэх, тодорхойлолт, байгууллагын гэрчилгээ зэрэг нотлох баримтыг үндэслэн асуумжаар нэвтрүүлнэ.

-Хуанлийн өдөр хэзээнээс эхлэх вэ?

-Маргааш тэгш зорчино. Тэгш өдөр тэгш оронтой, сондгой өдөр сондгой дугаартай автомашин зорчино. 

-22:00 цагаас хойш ажлаа тарсан хүн яаж гэртээ харих вэ?

-Хязгаарлалт тогтоохгүй худалдаа үйлчилгээний байгууллагын үйл ажиллагааг 07:00-21:00 цаг хүртэл л зөвшөөрнө. 

-Хэвлэл мэдээллийн хэрэгслийн логотой автомашин дугаарын хязгаарлалтад хамрагдах уу?

-Хэвлэл, мэдээллийн хэрэгслийн нийт ажилчдын 10 хүртэлх хувиа барьж ажиллана. Машин дугаарын хязгаарлалтаараа зорчино. Ажлын үнэмлэх, албан байгууллагын тодорхойлолтоо үзүүлнэ. 

-Хүргэлтийн үйлчилгээнүүд ажиллана гэж байна. Үнэн үү?

-Хязгаарлалт тогтоохгүй үйл ажиллагааны жагсаалтад хүнс, ахуйн хэрэглээ, үйлдвэрлэл, худалдаа, нийлүүлэлт, түгээлт гэж бий. Хүргэлтийн үйл ажиллагаа байхгүй тул үйл ажиллагааг нь зөвшөөрөхгүй. 

-Агаар салхинд гарч болно гэж байна. Ууланд гарч болох юм уу?

-Журмын 2-ын 10 дээр заасан. . Өөрөөр хэлбэл, гэрийнхээ ойролцоо агаар салхинд гарч болно. Хяналт тавьж ажиллана. Богд уул руу тэр хавийн иргэд гараад алхаж болно. Тэрнээс биш 7 буудалд гэртэй иргэн Богд уул руу яваад байж болохгүй.

-Нийтийн тээвэр доторх хүний тоо заах уу?

-Хүн хоорондын зай барина. Автобусны доторх мвк-аар нь үржихээр тоо нь гараад ирнэ. Аль болох цөөн хүн явуулна. 

Сурталчилгаа

Манай хуудсыг дагаарай!


© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.