Английн премьер лигийн хүснэгтийг итгэл төгс тэргүүлж буй Манчестер Сити клуб өчигдөр 26 дахь тойргийн тоглолтоо хүснэгтийн 4-т эрэмбэлэгдэж буй Вест Хам Юнайтед клубтэй хийлээ.
Тоглолтын 30 дахь минутад К.Де Брунегийн дамжуулалтаар Р.Диас гоолын салхийг хагалсан бол нэгдүгээр үеийн төгсгөлд Вестхамын М.Антонио гоолдон тоог тэнцүүллээ. Харин хоёрдугаар үед Манчестер Сити клубын төвийн хамгаалагч Ж.Стонес хожлын гоол оруулснаар Манчестер сити клуб 20 дахь дараалсан хожлын эзэд боллоо.
Ийнхүү ээлжит ялалтаа байгуулсан Манчестер сити клуб 62 оноотойгоор хүснэгтийг тэргүүлсэн хэвээр байгаа бол тэдний араас нэхэж буй Манчестер Юнайтед, Лейстер Сити клубууд 49 оноотой явж байна.
