Жүдо бөхийн Тел Авив их дуулга тэмцээн яг одоо эрэгтэйчүүдийн -73, -81, эмэгтэйчүүдийн -63, -70кг жингийн барилдаануудаар үргэлжлэн явагдаж байна.  

Өнөөдөр Монгол улсыг төлөөлөн ганцаараа оролцож буй дэлхийн аварга С.Моллай дэлхийн чансааны 8-д эрэмбэлэгдэж буй тул В хэсэгт эхний тойрогт гоц мөргөж, хоёрдугаар тойрогт Азербайжаны залуу бөхийг цэвэр ялсан тухай бид мэдээлсэн. /тус барилдааны бичлэгийг ЭНД дарж үзнэ үү/ Харин гуравдугаар тойрогт Италийн А.Эпоситотой барилдан ваза-ари үнэлгээгээр ялсан. /тус барилдааны бичлэгийг ЭНД дарж үзнэ үү/

Тэрээр хэсгийн аваргын төлөө Германы Доминик Ресселтэй тав дахь удаагаа тааран барилдаж тав дахь удаагаа давлаа. 

Дөнгөж сая С.Моллай аварга хагас шигшээ барилдаанд мастерсийн хошой мөнгөн медальт ОХУ-ын А.Лаппинаговыг цэвэр ялж аваргын алтан медалийн төлөө барилдах эрхтэй боллоо. Ташрамд сонирхуулахад С.Моллай аварга А.Лаппинаговтой өмнө нь гурван удаа таарахдаа нэг ч ялж үзээгүй байсан юм. 

С.Моллай аварга өнөө шөнө алтан медалийн төлөө өнгөрсөн оны Парисын их дуулгын мөнгөн медальт Узбекистаны Ш.Болтабоевтэй барилдана.