FA цомын төлөөх тавдугаар шатны тоглолтууд энэ өдрүүдэд явагдаж байгаа ба Манчестер Юнайтед дахин түүхэн амжилтаа давтлаа.
Тодруулбал: Манчестер Юнайтед клуб Олд Трамфорд цэнгэлдэхдээ тэд Вест Хам Юнайтед клубыг хүлээн авч тоглосон тоглолтын нэмэлт цагт С.МакТоминейн оруулсан гоол шөвгийн наймд шалгарлаа. Манчестер Юнайтед клуб FA цомын хүрээнд ес дараалан өөрсдийн талбайдаа хожил байгуулсан ба энэ нь 1912 онд буюу 109 жилийн өмнө тэдний өөрсдийнх нь тогтоож байсан дээд амжилтыг дахин давтаж буй хэрэг юм.
Мөн түүнчлэн Манчестер Сити клуб Свонси клубыг 3:1 харьцаагаар буулган авч шөвгийн наймд шалгарлаа. Ингэснээр тэд 15 дараалсан ялалт байгуулж мөн л бас нэгэн шинэ дээд амжилт тогтоолоо.
