68 настай иргэн АНУ-аас ирж чадалгүй 4 сар гаран болж, гэргий нь УОК-оос хоёр удаа чирэгдэж гарч удаа дараа хүсэлт тавиад ч авч чадалгүй амиа алдсан харамсалтай хэргийн талаар талийгчийн хүргэн дүү, иргэн Ү.Дамдинсүрэнтэй өмнө нь ярилцсан билээ.  

Энэ удаад талийгаачий гэргий Д.Гаравсамбуутай ярилцлаа: Миний ханийн хувьд даралт, зүрх судасны өвчтэй байсан. Жил бүр АНУ-д байдаг хүүхдүүд дээрээ очиж, биеээ үзүүлдэг. 2019 оны 10 дугаар сард АНУ-руу явж, 4 сард нь ирэх байсан Ковид-ын улмаас ирж чадалгүй хүний нутагт амиа алдлаа. Миний хувьд УОК-т долоон удаа нөхрөө авчрах хүсэлт өгсөн бөгөөд хоёр ч удаа гудамжинд чирэгдэж гаран хөөгдсөн. Хувиар ёсоор 2020 оны 08 сарын 15-нд Монголд ирэх байсан. Гэтэл тус өдрийн тусгай үүргийн онгоцоор 200 гаруй дугаартай хүмүүс ч ирсэн байсан. 

Бие муутай, удахгүй эх орон руугаа ниснэ гэж хүлээж байсан нөхөр маань 2020 оны 08 сарын 18-нд АНУ-д амьсгал хураасан. УОК-т өргөдөл өгч байхад нэгийг нь ч уншаагүй, бид нарын хүсэлтийг хүлээн аваагүйд үнэхээр их гомдож байна. 

Гэхдээ чин сэтгэлээсээ ажлаа хийж чаддаг төрийн жинхэнэ албан хаагч нар байдаг гэдгийг талийгаач нөхрийнхөө чандрыг авах үедээ мэдсэн. ГХЯ-ны мэргэлжилтэн Сатай, ОБЕГ-т ажилладаг дэд хурандаа Чингис, МИАТ компанийн эмэгтэй ажилтан нар үнэхээр их тусалсан би энэ насандаа мартахгүй. 

---