Мэргэжлийн снукер биллиардын чансаа өндөртэй "Герман Мастерс" тэмцээн өнөөдөр албан ёсоор эхэлнэ.
1995 оноос эхтэй 15 дахь удаагийн "Герман Мастерс" тэмцээн ковид-19 цар тахлын дэгдэлтийн улмаас анх удаа Англи улсад зохион байгуулагдаж буйгаараа онцлог юм. Нийт 32 шилдэг тамирчид дор Жон Хиггинс, Жадд Трамп, Шаун Мөрфи, Стуарт Бингхам нарын дөрвөн дэлхийн аварга зодоглох байсан хэдий ч дэлхийн дөрөв, "Герман Мастерс" тэмцээний хошой аварга Жон Хиггинс ковидын халдвар авсан тул тэмцээнийг өнжихөөр боллоо.
Бусад 31 тамирчны шинжилгээний хариу сөрөг гарсан тул тэмцээндээ оролцох бол нэгдүгээр тойрогт Ж.Хиггинс аваргатай тоглох оноолттой байсан Английн С.Каррингтон сул хожил авч шөвгийн 16-д шалгарлаа.
Нэгдүгээр сарын 27-31-ий өдрүүдэд зохион байгуулагдах "Герман Мастерс" тэмцээнийг манай сайт уламжлал ёсоор шууд дамжуулан үзүүлнэ.
