Арабын нэгдсэн Эмират улсын Дубай хотноо и-спортын "DUBAI PUBG MOBILE GLOBAL CHAMPIONSHIP" тэмцээн зохион байгуулагдаж байгаа ба Монгол улсын "ZEUS CLAN" баг чансаагаараа тэргүүлж байна.
Маш өндөр буюу нийт 1.3 сая ам.доллар шагналын сантай тус тэмцээний эхний гурван өдрийн дараах байдлаар Монголын баг 227 оноогоор тэргүүлж байна. Орон орны шилдэг 16 шигшээ тоглолтод оролцож буй тус тэмцээнийг youtube хуудсаар шууд дамжуулан үзүүлж байгаа ба шууд дамжуулалтыг дэлхийн өнцөг булан бүрээс нэгэн зэрэг хоёр сая гаруй сонирхогч шууд үзэж байгаа статистик гарчээ.
Мөн түүнчлэн одоогийн байдлаар тэмцээний үнэ цэнэтэй тоглогчоор монголын багийн ZeusZyoll буюу Б.Золбоот нэрлэгдэж байна.
Өнөөдөр финалын тоглолтууд явагдах ба түрүүлсэн баг нь 700.000 ам.долларын шагнал хүртэх юм. Монгол залуустаа амжилт хүсье.
