Мэргэжлийн снукер биллиардын дэлхийн чансааг тэргүүлж буй шилдэг 16 тамирчин урилгаар оролцдог Мастерс тэмцээний хагас шигшээ тоглолтууд урьд шөнө явагдлаа.

Хагас шигшээ эхний тоглолтод 2015 оны дэлхийн аварга бөгөөд өнгөрсөн оны Мастерс тэмцээний аварга Стуарт Бингхам болон "Хятад бар" хочит Ян Бинтао нарын тоглолоо. 

Хоёр тамирчны хувьд өмнө нь долоон удаа учраа тааран тоглоход гурван удаад нь С.Бингхам хожиж байлаа. Харин Ян Бинтаогийн хувьд 2017 оноос хойш өнөөдрийг хүртэл С.Бингхамтай гурван удаа учраа таарах бүрийдээ хожоод байсан бол урьд шөнө дөрөв дэх удаагаа дараалан хожлоо. Ийнхүү хожил байгуулсан Ян Бинтао анх удаа Мастерс тэмцээний финалд шалгарсан юм. Мөн тэрээр энэ удаагийн Мастерс тэмцээнд бүх өрсөлдөгчөө 6:5 харьцаагаар буюу ширүүн өрсөлдөөн дундаас буулган авсан сонирхолтой статистик гарчээ. 

Түүнтэй финалд домогт аварга Жон Хиггинс өнөө шөнө /2020.01.17/ өрсөлдөх ба финалын тоглолтыг Улаанбаатарын цагаар 21:00 цагт манай сайт шууд дамжуулан үзүүлэх болно. 

Дэлхийн дөрөв, Мастерсийн хошой аварга Жон Хиггинс хагас шигшээд Дэвид Гилбертийг 6:4 харьцаагаар төвөггүй буулган авсан ба