Мэргэжлийн снукер биллиардын дэлхийн гранпри тэмцээний хагас шигшээ сүүлийн тоглолт урьд шөнө явагдлаа.
Хагас шигшээ эхний тоглолтод Ж.Трамп аварга Ронниг 6:1 харьцаагаар хожсон бол харин өчигдөр дэлхийн гурван удаагийн аварга Марк Селби дэлхийн чансааны 15-д эрэмбэлэгдэж буй Жак Лисовскид 6:4 харьцаагаар хожигдон шуугиан тарилаа.
Бооцоо тавигчдын дийлэнх нь Марк Селби аваргыг хожно хэмээн таамаглаж байсан ч аваргын хувьд Жак Лисовски тийм ч хялбар өрсөлдөгч биш нь тодорхой. Учир нь хоёр тамирчны хувьд өмнө нь 11 удаа учраа таарахад зургаан удаад нь Жак Лисовски хожиж байлаа.
Лисовскигийн хувьд дэлхийн чансаа олгох тэмцээнд түрүүлж үзээгүй бөгөөд урьд нь гурван удаа финалд шалгарч Н.Робертсон, Марк Селби нарт хожигдож байлаа. Харин өнөө шөнө тэрээр Жадд Трамп аваргатай аваргын төлөө тулна. Манай сайт уламжлал ёсоор Улаанбаатарын цагаар 21 цагт тус тоглолтыг шууд дамжуулан үзүүлэх болно.
