Арьс өнгөөр ялгаварлан гадуурхсан үг, хэллэг ашигласан шүүгчийн асуудлаас үүдэлтэйгээр түр завсарлаад байсан Н хэсгийн тоглолт урьд шөнө үргэлжлэн явагдлаа.
ПСЖ клубээс Неймар гурван гоол, Мбаппе хоёр гоол оруулж Истанбул Башакшехир клубыг талбай дээрээ бут ниргэснээр хэсгээсээ 1-р шалгарлаа. Тус хэсгээс Манчестер Юнайтед клубыг 3:2 харьцаагаар хожсон Лейпциг клуб 2-р шалгарсан бол Манчестер Юнайтед клуб Европа лигт шилжлээ.
ПСЖ клубын К.Мбаппе аваргуудын лигт 21 насандаа буюу хамгийн залуудаа 20 гоолын босго давсан тамирчин боллоо. Түүний ард Л.Месси 22 насандаа 20 гоолын босго давсан амжилтаар эрэмбэлэгдэж байна.
