Аваргуудын лигийн Н хэсгийн тоглолтод шүүгч арьс өнгөөр ялгаварлан гадуурхсан үг, хэллэг ашигласнаас болж тоглолт зогсоход хүрлээ. 

Н хэсгээс аль багууд шөвгийн 16-д шалгарах нь сүүлийн тоглолтуудаас шалтгаалах байлаа. Учир нь тоглолтын өмнө гурван баг /ПСЖ, Манчестер Юнайтед, Лайпциг/ ижил оноотой болоод байсан юм.

Манчестер Юнайтед клубын хувьд урьд шөнө Лейпциг клубыг хожих эсвэл тэнцээ авахад л хэсгээс гарах байсан ч харамсалтай нь хожигдлоо. Тоглолт дөнгөж эхлээд хэдхэн хормын дотор Лейпцигээс Ангелино, Хайдара нар гоолдон улмаар тоглолтын 69 дэх минутад Клуйверт гоолдон 3:0 харьаагаар Лейпцигчүүд тэргүүлж эхэлсэн юм. Тоглолтын төгсгөлд буюу 80, 82 дахь минутад Манчестер Юнайтедаас Фернандес, Конате нар гоолдсон ч тоглолт 3:2 харьцаагаар өндөрлөн Лейпциг цааш шөвгийн 16-д өрсөлдөх эрхээ авч Манчестер Юнайтед Европа лигт шилжих магадлал өндөр боллоо. 

Харин тус хэсгийн ПСЖ - Истанбул Башакшехир багуудын тоглолт эхлээд удаагүй байхад Туркийн багийн туслах дасгалжуулагч Пьер Вебо улаан хуудас авч улмаар шүүгч түүнийг "хар залуу" хэмээн нэрлэснээс үүдэн маргаан дэгдлээ. Ийнхүү маргааны эцэст тоглогчид тоглолтыг цааш үргэлжлүүлэхээс татгазсанаар тоглолт өнөө шөнө 14 дэх минутаасаа үргэлжлэн явагдахаар боллоо.