Гамшгаас хамгаалах бүх нийтийн бэлэн байдлын зэрэгт шилжсэн үед ажиллах шаардлагатай 13 байгууллагын ажилчин, алба хаагчид тусгай зөвшөөрөл авсны үндсэн дээр хөдөлгөөнд оролцох шийдвэрийг Нийслэлийн засаг дарга гаргасан билээ. 

Тэгвэл тусгай зөвшөөрлийг хуурамчаар үйлдэх, нэг байгууллага хэт олон тусгай зөвшөөрөл хүсэх гэх мэт хүндрэлтэй асуудлууд үүсэн учир тусгай зөвшөөрөл олгох асуудлыг цуцалжээ. 

Харин маргааш/2020.11.17/-аас эхлээд ажиллах жагсаалтад багтсан байгууллагуудын ажилтан, алба хаагчид ажлын үнэмлэх, иргэний үнэмлэхээ үзүүлээд ажилдаа хувийн болон албаны унаагаар ирж, очих боломжтой юм байна. 

Эмнэлэг зэрэг зайлшгүй шаардлагаар явж байгаа хүмүүс эмнэлгийн бичгээ үзүүлээд хөдөлгөөнд оролцоно. Зуслангууд руу ЦЕГ-аас гаргасан хяналтын бүс дотроо явж болно гэж Засгийн газрын хэвлэл мэдээлэл, олон нийттэй харилцах хэлтсээс мэдээллээ. 

---