Мэргэжлийн снукер биллиардын "Аваргуудын аварга" шалгаруулах тэмцээнийг шууд дамжуулан үзүүлж байна.
Өнөөдөр тэмцээний гурав дахь өдөр гурван удаагийн дэлхийн аварга Марк Селби болон Championship League тэмцээнд түрүүлсэн Белги биллиардчин Лука Бресел нар тулна. Тэд өмнө нь есөн удаа учраа тааран тоглоход Селби аварга зургаан удаад нь хожиж байлаа. Мөн түүнчлэн дэлхийн чансааны 5-д эрэмбэлэгдэж буй Кайрен Вилсон болон 9-т эрэмбэлэгдэж буй Стефен Магуир нар тоглоно. Хоёр тамирчны хувьд өмнө нь долоон удаа таарч тоглоход К.Вилсон таван удаад нь өрсөлдөгчөө хожоод байгаа юм.
К.Вилсон 2020 онд ДАШТ-д үзүүрлэхийн сацуу Championship League (2) тэмцээнд түрүүлээд байгаа бол С.Магуир Tour Championship тэмцээнд түрүүлснээр "Аваргуудын Аварга" тэмцээнд оролцох эрхээ авсан байна.
