Мэргэжлийн снукер биллиардын "Аваргуудын аварга" шалгаруулах тэмцээний эхний өдөр түрүү жилийн аварга Нейл Робертсон аварга гэдгээ баталлаа. 

Тэмцээний эхний өдөр нэгдүгээр хэсэгт багтсан дөрвөн тоглогчийн тоглолт боллоо. 2010 оны дэлхийн аварга бөгөөд 2015, 2019 онуудад "Аваргуудын Аварга" болсон Нейл Робертсон домогт Жимми Вайтыг 4:0 харьцаагаа илт илүүрхэн буулган авлаа. Тус тоглолтыг манай сайт шууд дамжуулан үзүүлсэн ба ЭНД дарж нөхөж үзнэ үү. 

Харин дэлхийн дөрвөн удаагийн аварга бөгөөд 2016 онд Аваргуудын Аварга болсон домогт Жон Хиггинс Азийн шилдэг биллиардчин Дин Жунхуйд 4:3 харьцаагаар хожигдон тэмцээнээ дуусгалаа.

Хэсгийн аваргын төлөө тунан үлдсэн Нейл Робертсон болон Дин Жунхуй нарын өрсөлдөөн тун ширүүн өрнөсний эцэст Нейл Робертсон 6:4 харьцаагаар хожин хагас шигшээд шалгарлаа. Хоёр тамирчны хувьд урьд өмнө нь 18 удаа учраа тааран тоглож хожил, хожигдлын харьцаа нь 9:9 буй тэнцээд байсан юм. 

Өнөө орой 21:00 цагаас /Улаанбаатарын цагаар/ Жадд Трампын тоглолтыг манай сайт уламжлал ёсоор шууд дамжуулан үзүүлэх болно.