Мэргэжлийн снукер биллиардын "Аваргуудын аварга" шалгаруулах тэмцээнийг шууд дамжуулан үзүүлж байна.
2019 оны "Аваргуудын Аварга шалгаруулах тэмцээн"-ээс хойш томоохон 20 тэмцээнд түрүүлсэн аваргууд болон ДАШТ-д үзүүрлэсэн тамирчдыг эрэмбэлж шилдэг 16 аварга энэ удаагийн тэмцээнд оролцож байна.
Яг одоо 2010 оны дэлхийн аварга бөгөөд 2015, 2019 онуудад Аваргуудын Аварга болсон Нейл Робертсон болон энэ оны наймдугаар сард Ахмадын дэлхийн аварга болсон домогт Жимми Вайт нар тоглоно. Хоёр тамирчны хувьд 2004 оноос хойш 11 удаа учраа тааран тоглоход Нейл Робертсон зургаан удаад нь хожоод байгаа юм.
Мөн түүнчлэн дэлхийн дөрвөн удаагийн аварга бөгөөд 2016 онд Аваргуудын Аварга болсон домогт Жон Хиггинс болон Азийн шилдэг биллиардчин Дин Жунхуй нар тулна. Хоёр тамирчны хувд 25 удаа учраа тааран тоглоход Дин Жунхуй 12 удаа хожиж, хоёр удаа тэнцээд байгаа юм.
