Нийтэлсэн:   С.БУДРАГЧАА

3 жилийн өмнө

Баян-Өлгий аймгийн төсвийн хөрөнгөөр улсын начин Н.Мустафад хоёр өрөө байр худалдан авч өгөх тухай тендерийн зарлал олны анхаарлыг татсан халуун сэдэв болоод байна.  Уг асуудлыг Баян-Өлгий аймгийн Засаг даргын орлогч Ш.Хавылаас утсаар тодрууллаа.

Баян-Өлгий аймгийн Засаг даргын орлогч Ш.Хавыл:

Манай аймагт сүүлийн 36 жилийн турш улсын цолтой бөх төрөөгүй. Баян-Өлгий аймагт үндэсний бөх хөгжихгүй байсан учраас ард иргэдээс аймгийн Засаг дарга, ИТХ, нутгийн удирдлагуудад хүсэлт тавих болсон. Сүүлийн 35 жилийн турш улсын цолонд хүрсэн бөх манай аймгаас төрсөнгүй. Орон нутгийн удирдлагууд бодлогын түвшинд бөхчүүдээ дэмжих ажлыг хийх шаардлагатай байна хэмээсний дагуу Баян-Өлгий аймгийн ИТХ 2016 онд хуралдаж “Улсын цол хүртсэн бөхчүүдийг шагнаж урамшуулах журам”  гэгчийг баталсан.

Уг журамд Үндэсний их баяр цэнгэл наадамд амжилттай барилдаж, Улсын цол хүртсэн бөхчүүдэд орон сууц өгнө хэмээн зааж өгсөн.

Журам батлагдсан 2016 онд Баян-Өлгий аймгийн Булган сумын харьяат Батчулууны Баатарцол, 2017 онд Баян-Өлгий аймгийн Улаанхус сумын харьяат Бередмуратын Серик, 2020 онд Баян-Өлгий аймгийн Дэлүүн сумын харьяат Нурланы Мустафа нар улсын цол хүртэж тус тус орон сууцаар хангагдах болзолыг хангасан.

Уг хүмүүст олгох байрыг орон нутгийн төсвийн давсан орлогоос гаргахыг дэмжсэн тогтоолыг аймгийн ИТХ-аас баталж, улмаар Засаг даргын захирамж гарсан. Нэгэнт л төсвөөс уг мөнгө гарч байгаа тул ил тод байх ёстой хэмээн үзэж, Тендерийн цахим мэдээллийн санд уг мэдээллийг байршуулсан гэв.

Сурталчилгаа