Мэргэжлийн снукер биллиардын дэлхийн зургаан удаагийн аварга домогт Стив Девисийн нэрэмжит цомын төлөөх "English Open" тэмцээн өнгөрөгч долоо хоногт зохион байгуулагдлаа.
2016 оноос зохион байгуулагдаж эхэлсэн тус тэмцээний тав дахь шинэ аварга төрөн гарлаа. Шинэ аварга бол снукер биллиардын энэ цагийн өнгийг тодорхойлж буй Жадд Трамп байлаа.
Нийт 128 тамирчин өрсөлдсөнөөс мэргэжлийн 123, таван сонирхогч оролцжээ. Цар тахлын улмаас Стуарт Каррингтон, Петр Лайнес нарын хоёр тамирчин, шүүгчээр ажиллах ёстой байсан Эндрю Барклам нарын короновирусийн шинжилгээний хариу эерэг гарснаар тэмцээндээ оролцож чадаагүй юм.
Финалын тоглолтод дэлхийн аваргууд тунан үлдсэн ба Нейл Робертсон болон Жадд Трамп нар 34 дэх удаагаа учраа тааран тоглосон нь энэ юм. Тоглолт тун ширүүн өрсөлдөөн дунд явагдсан ба 9:8 харьцаагаар Жадд Трамп түрүүллээ. Тоглолтын бичлэгийг хүлээн авч үзнэ үү.