Аваргуудын лигийн шөвгийн найман баг тодорлоо.
Энэ удаагийн аваргуудын лиг тун сонирхолтой өрнөж байна. Тус тусын лигээ тэргүүлсэн Реал Мадрид, Ювентус клубууд "мултарч" Манчестер Сити, Лион клубууд шөвгийн 8-д шалгарсан тоглолтуудын тоймыг үзэхийг хүсвэл ЭНД дарна уу.
Харин урьд шөнө Байерн Мьюнхен - Челси, Барселона - Наполи багуудын тоглолт явагдлаа.
Байерн Мьюнхен эхний тоглолтдоо Челсиг талбай дээр нь 3:0 харьцаагаар илүүрхсэн. Тэд тун сайн формтой байгаа. Тэр ч утгаараа урьд шөнө Челсиг 4:1 харьцаагаар дахин "бут ниргэлээ".
Левандовски дабль хийж хоёр гоолын дамжуулалт өгсөн байна. Иван Перишич, Корентин Толиссо нар тус бүр нэг гоол хийсэн бол Челси клубын Абрахам нэр төрийн нэг гоол орууллаа. Мөн түүнчлэн Левандовски аваргуудын лигийн энэ улиралд 13 гоол оруулсан амжилтаар мэргэн буучдын жагсаалтыг тэргүүлж байна.
Ийнхүү Байерн Мьюнхен 18 дахь удаагаа шөвгийн 8-д шалгарч үлдсэнээр Барселона клубтэй амжилтаараа зэрэгцэж эхлэв. Шөвгийн 8-д тэд хоорондоо тулна.
