Английн хөлбөмбөгийн Премьер лигийн цом болон медалийн талаарх сонирхолтой мэдээллийг хүргэж байна.
Хоёр цом
Премьер лигийн аваргуудын нэрийг сийлсэн сийлбэр бүхий нэг бус хоёр цом байдгийг та мэдэх үү? Улирлын турш өмнөх аваргад нэг цом нь хадгалагдаж байдаг бол нөгөө цомыг нь Лигийн хүрээнд ашигладаг байна. Өмнөх улирлын аварга ба улирлын тоглолт дуусахаас даруй гурван долоо хоногийн өмнө цомоо буцааж өгөх шаардлагатай байдаг байна.
Цомын хэмжээ
Цом бүр нь өндөр нь 104 см, өргөн нь 61 см хэмжээтэй байдаг байна. Цом нь тийм ч хөнгөн биш бөгөөд нийт жин нь 25.4 кг жинтэй.
Цомны суурь нь хөлбөмбөгийн талбайг билэгдсэн ногоон өнгө бүхий үнэт чулуу байдаг бол загвар нь "Английн хөлбөмбөгийн гурван арсланг" илтгэдэг байна. Гэвч та цомыг сайн ажвал хоёр арсланг л олж харна. Харин цомыг хүртэн толгой дээрээ өргөх багийн ахлагч бол өөрөө гуравдагч арсланг илтгэж буй хэрэг юм.
Медаль
Аваргуудад 40 ширхэг дурсгалын мөнгөн медаль гардуулдаг байна. Медалийг тоглогчдоос гадна, менежер, албаныханд гардуулдаг байна.
