Спорт мэдээ, мэдээллийн www.livetv.mn/sport суваг мэргэжлийн снукер биллиардын ДАШТ-ийг шууд дамжуулан үзүүлэхээс гадна өдөр өдрийн онцлох тоглолтуудын бичлэгийг цувралаар толилуулж байна.
Одоогийн байдлаар нэгдүгээр тойргийн тоглолтууд явагдаж байгаа ба 32 тамирчнаас 11 тамирчин хоёрдугаар шатанд шалгараад байна.
Өчигдрийн онцлох тоглолт бол дэлхийн таван удаагийн аварга бөгөөд дэлхийн чансааны 6-д эрэмбэлэгдэж буй "Пуужин" хочит Ронни О.Сулливан "Тайланд Пуужин" хочит Тепчайя Ун Ног үнэмлэхүй цэвэр хожлоо.
Тус тоглолтод Ронни үнэхээр "Пуужин" хэмээх хочоо батлан харуулсан гэхэд болно. Тэрээр дунджаар 14 секундэд цохилтуудаа угсруулан гүйцэтгэж 10:1 харьцаагаар хожил байгуулсан юм. Ронни тус тоглолтод нийт 989 оноо авсан бол Тепяайя ердөө 188 оноо авсан байна.
"Пуужин" хочит Роннигийн эзэмшдэг хурдны рекордууд:
- Хамгийн дээд оноо болох 147 оноог хамгийн хурдан буюу 5:08 хугацаанд гүйцэтгэсэн. /1997 оны ДАШТ/
- 19 өрөгт хамгийн хурдан ялалт буюу 108 минутад хожил байгуулсан. /2020 оны ДАШТ/
- 25 өрөгт хамгийн хурдан ялалт буюу 167 минутад хожил байгуулсан /1996 он/
