Японы мэргэжлийн сумо бөхийн долоодугаар сарын башёгийн зургаа дахь өдрийн барилдааныг шууд дамжуулан үзүүлж байна.
Өчигдрийн барилдаанд башёг унаагүйгээр тэргүүлэгчдийн эгнээнд бичигдэж байсан Тэрүнофужи Г.Ган-Эрдэнэ Такаяасүд өвдөг шороодож дөрвөн даваа нэг унаатай болоод байна. (Тав дахь өдрийн барилдааны тоймыг үзэхийг хүсвэл ЭНД дарна уу) Тэгвэл тэрээр өнөөдөр нэг ч унаагүй яваа Котошохотой барилдах оноолттой байна. Мөн түүнчлэн дөрвөн даваа, нэг унаатай яваа Тамаваши Б.Мөнх-Оргил мөн л башёг нэг ч унаагүй тэргүүлэгчдийн эгнээнд бичигдэн буй Мёогирюутэй барилдах оноолттой байна. Харин манай Кирибаяама Б.Лхагвасүрэн (1-4) Озеки Такакейшотой (4-1) барилдана.
Их аварга Хакухо М.Даваажаргалын хувьд маэгаширагийн 3-аас барилдаж буй Такарафужитэй барилдана. Такарафужигийн хувьд аваргад 14 удаа унаад байгаа ч 2016 онд аваргыг хоёр ч удаа хаяж үзсэн байдаг.
Жич: Тухайн өдрийн барилдааны шууд дамжуулалтын бичлэг барилдаан дуусахад устдаг тул та үзэж амжаагүй бол маргааш өглөө нийтлэгдэх тойм бичлэгийг хүлээн авч үзэх боломжтой.
