Английн хөлбөмбөгийн премьер лигийн 32 дугаар тойргийн тоглолтууд явагдаж дууслаа.
Урьд шөнө тун сонирхолтой хоёр тоглолт явагдсан ба лигийн аваргаар тодроод байгаа Ливерпүүл клуб хүснэгтийн 2-т бичигдэж буй Манчестер сити клубын Этихад цэнгэлдэхэд 4:0 харьцаагаар "бут ниргүүллээ". Энэ тоглолтоос ердөө долоо хоногийн өмнө Ливерпүүл клуб Кристал Палас клубыг талбай дээрээ хүлээн авч 4:0 харьцаагаар хожсон юм.
Ливерпүүл болон Манчестер Сити клубууд нь 46 дахь удаагаа учраа тааран тоглосон нь энэ бөгөөд 16 удаа тэнцэж, 20 удаад нь Ливерпүүл клуб хожоод байсан бол урьд шөнийн тоглолтоор Манчестер клуб 10 дахь хожлоо авлаа.
Тоглолтын 25 дахь минутад Кевин Де Бруине торгуулийн цохилтоор гоолын салхийг нээсэн бол 35 дахь минутад Рахим Стерлинг, 45 дахь минутад Фил Фоден, 66 дахь минутад Алекс Окслад Чамберлайн өөр хаалгандаа гоол оруулснаар 4:0 харьцаагаар төгс хожлыг Манчестер ситичүүд авлаа.
