Дорнод аймагт газрын тосны 21-р талбайд ажиллаж байсан, тээврийн жолооч иргэнийг коронавирусийн халдварын сэжигтэй байж болзошгүй гэж үзэн тусгаарласан талаар тус аймгийн Эрүүл мэндийн газрын дарга Ч.Оюунаа өчигдөр мэдээлэл өгсөн. 

"Петро Чайна Дачин Тамсаг" ХХК-ийн 21 дүгээр талбайн туслан гүйцэтгэгч компанийн жолооч иргэн “Б” энэ сарын 3-ны өдөр СOVID-19 халдварын шинж тэмдэг болох халуурч, хоолой нь өвдсөн дуудлага өгсний дагуу Дорнод аймгийн мэргэжлийн байгууллагууд газар дээр нь ажиллаж, тандалт хийн, хяналтад доор тээвэрлэн БОЭТ-ийн Халдвартын тасагт авчирсан байна. 

Эхний ээлжид нэг удаагийн түргэвчилсэн тестээр шинжлэхэд хариу нь сөрөг буюу халдваргүй гараад байна. Харин /PCR/ цусны шинжилгээний хариу шөнө 02:00 цагт гарна гэж мэдээлж байсан юм. 02:00 цагт PCR шинжилгээний хариугаар "сөрөг" гарчээ. 

Тодруулбал, Монгол улсад бүртгэгдэн тусгаарлагдсан Covid-19-ийн тохиолдол 40, эдгэрч, эмнэлгээс гарсан 12 тохиолдол албан ёсоор бүртгэгдээд байна. 

---