БНХАУ-ын ӨМӨЗО-оос Монгол улсын Улаанбаатар хотод тусалсан тахлаас сэргийлэх хоёр дахь ээлжийн эд зүйлсийг энэ сарын 25-ны өдөр Эрээн хотын авто боомтоор шуурхай шалган нэвтрүүлсэн талаар бид өчигдөр мэдээлсэн. 

Эрээн хотын хилийн хяналт шалгалтын газар ногоон гарц ажиллуулж, энэхүү тусламжийн ачааг 10-хан минутад холбогдох бичиг баримтыг бүрдүүлэн хилээр нэвтрүүлсэн байдаг. 

Мөн тус улсад эмчлүүлж байсан Монгол улсын иргэний тусгай хүсэлтийн дагуу БНХАУ-ын Эрээн хот дахь хилийн шалган нэвтрүүлэх боомт энэ сарын 27-ны өдөр онцгой үеийн ногоон гарц түр нээж, хүнд өвчтөнийг эх оронд нь нэвтрүүлсэн байна.

Халдварын үеийн шинэ журмын дагуу холбогдох бүх шинжилгээ оношилгоог онцгой нөхцөлд түргэвчилсэн байдлаар хийж, тус өвчтөн коронавирусийн халдваргүйг нотолж, шуурхай нэвтрүүлжээ. 

 

---