Жүдо бөхийн уламжлалт Дюселдорфийн их дуулга тэмцээн маргааш /хоёрдугаар сарын 21-ний өдөр/ эхэлнэ. 

120 орны 718 жүдоч оролцох урьдчилсан мэдүүлгээ өгөөд буй Дюселдорфийн уламжлалт их дуулга тэмцээн энэ сарын 21-23 өдрүүдэд зохион байгуулагдана. Манай улсаас тус тэмцээнд 20 шилдэг жүдочдоо оролцуулахаар мэдүүлгээ өгөөд байгаа ба манай улсын бүрэлдэхүүнд дэлхийн аварга Саейд Моллай багтаж байна. 

Манай бүрэлдэхүүнийг өнгөлж буй дэлхийн медальтнууд 

• Олимпийн мөнгө, 2017 оны дэлхийн аварга, 2015 болон 2018 дэлхийн аваргын хүрэл медальт Д.Сумъяа
• 2018 оны дэлхийн аварга Саейд Моллай
• 2014 оны дэлхийн аварга, 2017 оны дэлхийн аваргын хүрэл медальт  Г.Болдбаатар
• 2015 оны залуучуудын дэлхийн аваргын хүрэл медальт Г.Наранцэцэг
• Залуучуудын олимпийн мөнгө, 2019 оны залуучуудын дэлхийн аварга Л.Сосорбарам
• 2014 оны залуучуудын дэлхийн аварга, 2018 оны насанд хүрэгчдийн дэлхийн аваргын хүрэл медальт Ө.Дүүрэнбаяр
• 2018 оны дэлхийн аваргын хүрэл медальт Л.Отгонбаатар
• 2014, 2015 оны залуучуудын дэлхийн аваргын хошой мөнгөн медальт Ц.Цогтбаатар
• 2017 оны дэлхийн аваргын хүрэл медальт Г.Одбаяр

Харин Япон улсаас олимпийн аварга, дэлхийн гурван удаагийн аварга Ш.Оно тэргүүтэй 11 дэлхийн медальтан зодоглох юм.

Японы багийг танилцуулбал:

• -48 кг жинд: 2017 оны дэлхийн аварга Ф.Тонаки

• -52 кг жинд: 2018, 2019 оны дэлхийн хошой аварга А.Ута

• -60 кг жинд: 2013, 2017, 2018 оны дэлхийн гурван удаагийн аварга Н.Такато

• -66 кг жинд: 2017, 2018 оны дэлхийн хошой аварга А.Хифуми

• -63 кг жинд: дэлхийн дөрвөн медальт М.Таширо

• -70 кг жинд: 2017, 2018 оны дэлхийн хошой аварга А.Чизуру

• -73k кг жинд: 2013, 2015, 2019 оны дэлхийн гурван удаагийн аварга Ш.Оно

• -81 кг жинд: 2015 оны дэлхийн аварга Н.Таканори 

• -78 кг жинд: 2018 оны дэлхийн аварга Х.Шори

• +78кг жинд: 2018 оны дэлхийн аварга С.Асахина

• -90кг жинд: 2019 оны дэлхийн аваргын мөнгөн медальт М.Шойчиро нар багтаж байна. 

Манай сайт уламжлал ёсоор гурав хоногийн турш Дюселдорфийн их дуулга тэмцээнийг шууд дамжуулан үзүүлнэ.