УИХ-ын гишүүн Н.Номтойбаяр өчигдөр/2019.12.12/мэдээлэл хийж УИХ-ын гишүүн агсан Г.Батхүү болон Хөдөлмөр эрхлэлтийг дэмжих сантай холбоотой асуудлаар яллагдагчаар татагдсан эсэх талаараа тайлбар хийсэн юм. 

Ингэхдээ тэрээр Г.Батхүү агсантай холбоотой хэргээр яллагдагчаар татагдаагүй гэж мэдэгдсэн юм. Гэвч түүнийг мэдээллээ хийсний дараагаар буюу үдээс хойш яллагдагчаар татаж, шүүх хурлыг өнөөдөр/2019.12.13/ зарласнаа мэдэгджээ.

Энэ талаараа УИХ-ын гишүүн Н.Номтойбаяр өөрийн цахим хуудастаа,

"Худал мэдүүлсэн гэж гүтгээд 2 жил хүртэл төрийн алба хаах эрх хасч, 5.4 саяар торгох эсхүл 720 цаг нийтийн ажил хийх, 1 жил зорчих эрх хасах ялтай ангиар татсан. Дөнгөж цагийн өмнө шүүх хурал зарлаж. Яасан ч хурдан юм. Пицца хүргэлтээс ч хурдан. Очино доо. Хэвлэлд нээлттэй" гэсэн байна.

 

---