Жүдо бөхийн "Бага дэлхийн аварга" хэмээн өргөмжлөгддөг "Осакагийн их дуулга" тэмцээнийг шууд дамжуулан үзүүлж байна.

Өнөөдөр тэмцээний эхний өдөр уламжлал ёсоор эрэгтэйчүүдийн -60кг, -66кг, эмэгтэйчүүдийн -48кг, -52кг, -57кг жингүүдийн барилдаан явагдах ба манай улсаас МУГТ М.Уранцэцэг, хөдөлмөрийн баатар Д.Сумьяа тэргүүтэй зургаан бөх барилдаж байна. 

Одоогийн байдлаар манай бөхчүүд:

• Эрэгтэйчүүдийн -60кг жинд манай улсаас хоёр бөх хүч үзэж байгаа ба В хэсэгт ОУХМ Э.Ариунболд эхний тойрогтоо Лаосын бөхийг цэвэр ялсан. Хоёрдугаар тойрогт Узбекистаны бөхөд ялагдсанаар тэмцээнээ дуусгалаа.
• Энэ жингийн D хэсэгт Л.Өнөболд хоёрдугаар тойрогт Германы бөхийг яллаа.
• Эмэгтэйчүүдийн -52кг жинд залуучуудын дэлхийн аварга, залуучуудын олимпийн мөнгөн медальт ОУХМ Л.Сосорбарам Узбекистаны Диёора Келдиёроватай барилдана цэвэр ялсан.
• Эмэгтэйчүүдийн -57кг жинд МУГТ Д.Сумъяа хоёрдугаар тойрогт өрсөлдөгчөө цэвэр дарлаа.
• Эрэгтэйчүүдийн -66кг жинд ОУХМ Г.Хэрлэн Энэтхэгийн Жаслен Сингх Сайнитэй барилдан нэмэлт цагт ваза-ари алдан ялагдаж тэмцээнээ дуусгалаа. Хоёр бөхийн хувьд өмнө нь Тбилисийн гран прид учраа тааран барилдахад манай бөх ялагдаж байсан юм.
• Эмэгтэйчүүдийн -48кг жинд дэлхийн аваргын иж бүрэн медальт МУГТ М.Уранцэцэг Румыний Моника Унгуреанутай барилдан торгуулиар цэвэр яллаа. Хоёр бөхийн хувьд энэ жилийн дэлхийн аваргаар учраа таарахад манай аварга өрсөлдөгчөө цэвэр ялж байсан удаатай. 

Яг одоо хоёрдугаар дэвжээнээ ОУХМ Л.Сосорбарам Канадын бөхтэй хоёрдугаар дэвжээ барилдана. Канадын Гуйка Экатеринаг манай бөх яг жилийн өмнө Осакагийн их дуулгад учраа таарахдаа ялж байсан удаатай. Харин дөрөвдүгээр дэвжээнээ Л.Өнөболд Японы Аоки Дайтай барилдана. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Дөрөвдүгээр дэвжээг шууд үзэх:

Жич: Та аливаа барилдааныг цаг тухайд нь үзэж амжаагүй бол шууд дамжуулалтын бичлэгийг ухраан нөхөж үзэх боломжтой.