14 дэх удаагийн эрэгтэйчүүдийн волейболын дэлхийн цомын цомын тэмцээн энэ сарын 1-15-ны өдрүүдэд явагдаж дууслаа.
Тэмцээн дуусахаас нэг хоногийн өмнө түрүүлэх болзлоо хангасан Бразилын шигшээ баг төгс тэргүүлэл буюу 11 хожил авч гурав дахь удаагаа дэлхийн цомд түрүүллээ. Бразилын шигшээ багийн түрүүлэх болзлоо хангасан Японы шигшээ багтай хийсэн тоглолтын бичлэгийг үзэхийг хүсвэл энд дарна уу.
Харин оноо хожил тэнцүү явж байсан Польш болон АНУ-ын шигшээ багууд сүүлийн тоглолтдоо хэрхэн тоглохоос хамаарч мөнгө, хүрэл медалийн эзэд тодорхой болох байв. Тэд сүүлийн тоглолтдоо харьцангуй сул өрсөлдөгчтэй таарсан бөгөөд Польшийн шигшээ баг Ираны шигшээ багийг 3:0, АНУ-ын шигшээ баг Египетийн шигшээ багийг 3:1 харьцаагаар хожлоо. Үүний үр дүнд хожил, хожигдлын оноо тэнцсэн ч авсан оноогоороо Польшийн шигшээ баг АНУ-ын шигшээ багаас нэг оноогоор илүү гарч дэлхийн цомд гурав дахь удаагаа аман хүзүүдлээ. Харин АНУ-ын шигшээ баг дэлхийн цомын хошой алтан медалиа хошой хүрэл медалиар ижилсүүллээ.
Алтан медаль: Бразил
Мөнгө медаль: Польш
Хүрэл медаль: АНУ
Өчигдөр Бразилын шигшээ баг хамгийн сүүлийн тоглолтоо Италийн шигшээ багтай хийсэн ба 3:0 харьцаагаар Бразилчууд хожил байгуулсан тоглолтын тоймыг хүлээн авч үзнэ үү.
