Жүдо бөхийн Дьюселдорфийн их дуулга тэмцээн хоёр өдрийн турш тун өрсөлдөндөөнтэй барилдаануудаар дүүрэн байлаа. 

Хоёр өдрийн дараах байдлаар монголын баг тамирчид эмэгтэйчүүдийн -52кг жинд Л.Сосорбарам мөнгөн медаль, эмэгтэйчүүдийн -57кг жинд Д.Сумьяа аварга, эрэгтэйчүүдийн -66кг жинд Ё.Басхүү нар хүрэл медаль, эрэгтэйчүүдийн -81кг жинд Н.Дагвасүрэн шагналт тавдугаар байрт шалгарсан амжилтаар  тэмцээнд оролцогч 93 орноос медалийн чанараар зургаадугаар байранд эрэмбэлэгдэж байна. 

www.livetv.mn/sport их дуулга тэмцээнийг гурван өдрийн турш шууд дамжуулан үзүүлж байгаа ба монгол бөхчүүдээ дэвжээнд гарах бүрд нь тамирчныхаа талаар болон өрсөлдөгчийнх нь талаарх мэдээллийн хамт шуурхай мэдээлж байгаа билээ. 

Өнөөдөр манайхны салхийг хагалж эрэгтэйчүүдийн -90кг жинд Алдар” спорт хорооны тамирчин, Азийн наадмын мөнгө, Армийн дэлхийн аварга Г.Алтанбагана А хэсэгт эхний тойрогт Их Британийн Стеварт Макстай хоёрдугаар дэвжээн дээр яг одоо барилдах гэж байна. Г.Алтанбаганын хувьд жиндээ 3536 оноотойгоор дэлхийн чансааны 10-т эрэмбэлэгдэж буй бол Их Британийн жүдоч Стеварт Макс 1027 оноотойгоор дэлхийн чансааны 43-т эрэмбэлэгдэж байна. Хоёр жүдоч 2016 онд Чиндаогийн гран при тэмцээний финалд учраа таарч манай Алтанбагана хожигдон мөнгөн медаль хүртэж байсан түүхтэй.  

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.