Гаднын жуулчдад япон үндэсний соёл, спортоо сурталчлахад сумогийн үүрэг асар их ч сумо бөхийн холбоо энэхүү үүргээ хангалттай биелүүлж чадахгүй байгаа талаар японы хэвлэлүүд дээр гарсан мэдээллийг тоймлон хүргэж байна.
Ковид-19 цар тахлын улмаас багагүй хугацаанд сумо бөхийн башё нь үзэгчдийн хязгаарлалттайгаар зохион байгуулагдсан нь сумо бөхийн холбоог санхүүгийн хүнд байдалд оруулсан юм. Энэхүү санхүүгийн байдал нь аажим аажмаар сайжирч байгаа ч Ковид-19 цар тахлын өмнөх хэвээн байдалдаа шилжихэд бас л хугацаа хэрэгтэй байгаа бололтой. Санхүүгийн хүндрэлээс гарахын тулд сумо бөхийн холбоо өөрөөс шалтгаалах ажлуудаа хангалттай хийж чадахгүй байгаад асуудал байгааг хэлэх нь зүйтэй.
Гаднын жуулчдад япон үндэсний соёл, спортоо сурталчлахад сумогийн үүрэг асар их гэдэг нь ойлгомжтой. Өнөөдөр сумо үзэхэд нээлттэй болсон хэдий ч гаднын жуулчдад зориулсан тасалбар борлуулалт асуудалтай хэвээр байна. Үүнд хэд хэдэн учир шалтгаан байгаа ба тухайлбал гадаад хэл дээрх сумо бөхийн мэдээлэл шинэчлэгддэггүй, товчхондоо бол жуулчдыг татах сурталчилгаа маш муу. Тасалбарыг цахимаар захиалан авах боломжтой ч гадаад хэл дээр бус зөвхөн япон хэл дээр байгаа нь жуулчдад ойлгомжгүй байх нь мэдээж.
Иймд японы сумо бөхийн холбоо шинэчлэгдэх, цаг үетэйгээ хөл нийлүүлэн алхах цаг нэгэнт болсон байна.
