Ш.Мөрфи аварга төгс тоглолтыг толилууллаа

Сурталчилгаа
Ш.Мөрфи аварга төгс тоглолтыг толилууллаа

Мэргэжлийн снукер биллиардын чансаа олгох ээлжит Welsh Open тэмцээн үргэлжлэн явагдаж байна. 

 

Энэ сарын 13-наас 19-ны хооронд Уэльсийн Лиандудно хотноо зохион байгуулагдаж буй 2023 оны Welsh Open тэмцээний эргэн тойронд өрнөж буй мэдээ, мэдээллийг тогтмол хүргэж байгаа билээ. Одоогийн байдлаар шөвгийн найман тамирчин тодроод байна. Шөвгийн наймд дэлхийн аваргуудаас таамгийн дагуу Ронни О Сулливан, Шаун Мөрфи нар үлдээд байгаа бол Жадд Трамп, Марк Селби нарын аваргууд 32-т, Жон Хиггинс аварга шөвгийн 16-д ялагдал хүлээн тэмцээнийг орхилоо. 

Шаун Мөрфи аварга шөвгийн 16-д Уэлсийн Даниел Веллстэй тоглох үедээ снукер биллиардын хамгийн дээд оноо болох 147 оноог авлаа. Энэ нь түүний карьарын долоо дахь дээд оноо юм. Мөн түүнчлэн энэхүү 147 оноо нь тоглолтын гурав дахь өрөг байсан бөгөөд хоёр дахь өрөгт 145 оноо авч карьерынхаа 600 дахь 100-аас дээш оноог бүртгүүлсэн байна. 

Хэрэв тэмцээн дуусахаас өмнө дахин 147 оноо авах өөр тоглогч гарахгүй бол дээд онооны шагнал болох 5.000 фунт стерлингийн шагнал хүртэнэ. Нэг тэмцээнд хоёр тоглогч 147 авах тохиолдол бишгүй гардаг ч хамгийн дээд тал нь гурван тоглогч 147 авсан тохиолдол түүхэнд нэг л удаа гарч байлаа. Тодруулбал: 2012 оны UK Championship тэмцээний үеэр Жон Хиггинс, Жак Лисовски, Анди Хикс нар 147 оноо авч бүртгүүлсэн ч Жак Лисовски, Анди Хикс нарын авсан 147 оноо нь тус тэмцээний урьдчилсан шатны тоглолтод бүртгүүлсэн байдаг.

Ш.Мөрфигийн авсан энэхүү дээд оноо снукер биллиардын түүхэн дэх 185 дахь, энэ улирлын ес дэх нь болж бүртгэгдлээ. Снукер биллиардын түүхэн дэх хамгийн олон удаа буюу 15 удаа 147 оноо авсан рекорд домогт аварга Роннигийн нэр дээр бичигддэг бол түүний ард 12 удаа 147 оноо авсан тоглогчоор Жон Хиггинс бичигдэж байна. 

Welsh Open тэмцээний шөвгийн наймын төлөөх тоглолтод Ронни аварга Бельгийн Бен Мертенсийг 4:0 харьцаагаар буюу төгс ялалт байгуулсан тоглолтыг бүрэн эхээр нь толилуулж байна. 

 


Сурталчилгаа

Холбоотой мэдээ
Сэтгэгдэл үлдээх
Сэтгэгдэл
Онцлох мэдээ
Шинэ мэдээ
Ангилал
Сагсан бөмбөг
2022-10-02
104
95
134
93
114
82
134
96
Хөл бөмбөг
English Premier League
5
0
2
1
1
0
1
1
1
1
1
0
1
4
2
1
2
1
4
4
Spanish Primera División
0
0
1
0
German Bundesliga
1
0
2
2
2
0
2
1
1
2
4
2
1
1
3
0
1
2
Italian Serie A
1
3
UEFA Champions League
1
0