Жүдо бөхийн Бакугийн их дуулга тэмцээн зохион байгуулагдлаа.

Энэ удаагийн Бакугийн их дуулга тэмцээнд 29 орны 195 жүдоч өрсөлдсөн бол Монгол Улсаас "Токио-2020" олимпын наадмын хүрэл медальт Ц.Цогтбаатар тэргүүтэй 22 залуу бөх зодоглолоо. Манай улсаас дараах бөхчүүд медаль хүртэж багийн дүнгээр есдүгээр байранд жагслаа.

• Эмэгтэйчүүдийн -63кг жинд Б.Ганхайч мөнгөн медаль
• Эмэгтэйчүүдийн +78кг жинд А.Адъяасүрэн мөнгөн медаль
• Эрэгтэйчүүдийн -73кг жинд Ц.Цогтбаатар хүрэл медаль
• Эмэгтэйчүүдийн -52кг жинд Б.Хорлоодой хүрэл медаль
• Эрэгтэйчүүдийн +100кг жинд О.Цэцэнцэнгэл хүрэл медаль хүртэж Э.Сумъяабазар, Г.Наранцэцэг, Л.Энхрийлэн, Ц.Энхчимэг, Б.Эрдэнэт-Од нар шагналт байранд шалгарлаа. 

Жудо бөхийг шимтэн үзэгчдийн хувьд эмэгтэйчүүдийн хүнд жинд монгол бөх их дуулга ангиллын тэмцээний финалд тунан үлдсэн нь юу юунаас илүү бахархал төрүүлж байлаа. Залуу тамирчин А.Адъяасүрэн эхний тойрогт Унгарын бөхийг нэмэлт цагт цэвэр ялж улмаар хагас шигшээд Бразилын бөхийг ялснаар финалд шалгарсан юм.

Шигшээ барилдаанд залуучуудын ДАШТ-ий хүрэл медальт Германы Рутч Ренед ялагдан мөнгөн медаль хүртлээ.