Японы мэргэжлийн сумо бөхийн Аки башёгийн 10 дахь өдрийн барилдааны тоймыг толилуулж байна.

10 өдрийн дараах байдлаар дээд зиндаанд Тэрүнофүжи Г.Ган-Эрдэнэ аварга ганцаараа есөн даваа, нэг унаатайгаар башёг тэргүүлж байгаа бол түүний араас найман даваа, хоёр унаатай Оношо, Мёогирюу нар нэхэж байна.

Өчигдрийн барилдаанд монгол бөхчүүд өөр хоорондоо учраа таарсан ба дараах үр дүнг үзүүллээ. 

• Маэгашира 5 Чиёошома Г.Мөнхсайхан (2-8) - Маэгашира 7 Шиманоуми (4-6)
• Маэгашира 2 Кирибаяама Б.Лхагвасүрэн (7-3) - Маэгашира 1 Хошорюү С.Бямбасүрэн (3-5-2)
• Комүсүби Ичиножо А.Ичинноров (4-6) - Маэгашира 4 Тамаваши Б.Мөнх-Оргил (3-7)
• Ёкозүна Тэрүнофүжи Г.Ган-Эрдэнэ (9-1) - Маэгашира 6 Ура (4-6)

Дээд зиндааны өндөр цолтнуудын хувьд Озеки Такакейшо зургаан даваа, дөрвөн унаатай байгаа бол Шодай долоон даваа, гурван унаатай, Секиваке Мэйсей дөрвөн даваа, зургаан унаатай, Митакеуми долоон даваа, гурван унаатай явж байгаа буюу одоогоор Ёкозүна Тэрүнофүжи Г.Ган-Эрдэнэтэй түрүү булаалдах өрсөлдөөнийг үзүүлж чадахгүй байна.