"Токио-2020" олимпын наадмын эрх олгох байт харвааны сүүлийн тэмцээнд ОУХМ Б.Урантунгалаг амжилттай оролцон хоёр дахь удаагаа олимпын наадамд оролцох эрхээ авлаа.
Франц улсын нийслэл Парис хотноо зохион байгуулагдсан тус тэмцээнд ОУХМ Б.Урантунгалаг дараах амжилтыг үзүүллээ.
- 1/48 тойрогт гоц мөргөж,
- 1/24 тойрогт Швейцарын тамирчин Д.Илианаг 6:0 харьцаагаар ялж,
- 1/16 тойрогт Казахстаны тамирчин Ф.Тукебаеваг мөн 6:0 харьцаагаар ялж,
- 1/8 тойрогт Узбекистаны тамирчин З.Абдусаттороваг мөн 6:0 харьцаатай ялж,
- 1/4 тойрогт Чехийн тамирчин Х.Мариед 4:6 харьцаагаар ялагдсан ч онооны чансаагаар тавдугаар байрт орж олимпын наадмын эрхийн эзэн боллоо.
ОУХМ Б.Урантунгалаг өмнө нь Лондон-2012 олимпын наадамд оролцож байсан ба түүнээс хойш есөн жилийн дараа ийнхүү хоёр дахь олимпын наадамдаа оролцохоор боллоо.
