Олимпын төрөлт Пара-Таеквондогийн зургаа дахь удаагийн, насанд хүрэгчдийн 24 дэх удаагийн Ази тивийн аварга шалгаруулах тэмцээн Ливан улсын Бейрут хотноо зохион байгуулагдаж байна.
Өнөөдөр тэмцээний хуваарь ёсоор зургаа дахь удаагийн пара-таеквондогийн ази тивийн аварга шалгаруулах тэмцээн эхлэх ба манай улсаас пара-таеквондогийн үндэсний шигшээ багийн дасгалжуулагч Л.Отгонбаатар, О.Хосбаяр нарын удирдлага дор дараах тамирчид тулалдана.
- К44 ангиллын эрэгтэйчүүдийн -61кг жинд "Токио-2020" олимпын эрхээ аваад буй манай шилдэг тулаанч Г.Болор-Эрдэнэ тулалдах ба манай тамирчин тус жинг тэргүүлэн тулалдах тул эхний тойрогт гоц мөргөсөн байна. Мөн түүнчлэн энэ жинд манай улсаас Х.Тимербек тулалдах ба тэрээр эхний тойрогт Испанийн тулаанчтай тулалдах оноолт таарсан байна. Хэрэв Х.Тимербек эхний өрсөлдөгчөө хожвол түүнийг хоёрдугаар тойрогт нутаг нэгт тулаанч Г.Болор-Эрдэнэ хүлээж байна.
- К44 ангиллын эмэгтэйчүүдийн -49кг жинг мөн Монгол улсаас олимпын эрхээ аваад буй Х.Энхтуяа тэргүүлэн тулалдах ба эхний тойрогт гоц мөргөж Узбекистан, Перу улсын тулаанчдын ялсантай хагас шигшээд тулалдана.
- К43 ангиллын -61кг жинд Ц.Даваачулуу эхний тулаанаа Казахстаны тулаанчтай хийнэ.
- К44 ангиллын эрэгтэйчүүдийн -75кг жинд Б.Шинэбаяр Туркын тулаанчтай тулалдана.
- К44 ангиллын эрэгтэйчүүдийн +75кг жинд Д.Содномгомбопил эхний тулаанаа Ираны тулаанчтай хийнэ.
Тэмцээний хэсгийн тулаанууд Улаанбаатарын цагаар 14:00 цагт эхлэх хуваарьтай байна.
