"Токио-2020" олимпын эрхийн төлөөх 3х3 сагсанбөмбөгийн сүүлийн тэмцээн өнөөдөр албан ёсоор эхэлнэ. 

Австри улсын Граз хотноо "Токио-2020" олимпын эрхийн төлөөх FIBA 3x3 сагсанбөмбөгийн тэмцээн тавдугаар сарын 26-30-ны өдрүүдэд зохион байгуулагдана.

Эрэгтэй, эмэгтэй тус бүр 20 баг дөрвөн хэсэгт хуваагдан өрсөлдөх ба манай улсаас эмэгтэй баг олимпын эрхээ авсан тул энэ удаад эрэгтэйчүүдийн шигшээ баг Австри улсад очоод байна. Тус тэмцээний А хэсгийг тэргүүлэх Монголын 3х3 сагсанбөмбөгийн шигшээ баг  Польш, Бразил, Турк, Чехийн шигшээ багуудтай нэг хэсэгт багтжээ. 

Олимпын эрхийн тэмцээн маргааш /тавдугаар сарын 26-ны өдөр/ Улаанбаатарын цагаар 17:50 цагт Катар, Доминиканы тоглолтоор эхлэх ба Монголын шигшээ багийн хувьд тавдугаар сарын 26-наас 27-нд шилжих шөнө хэсгийн эхний хоёр тоглолтоо хийнэ. 

01:30 цагт Монгол - Польш
03:35 цагт Монгол - Турк

Спорт мэдээ, мэдээллийн төрөлжсөн www.livetv.mn/sport суваг уламжлал ёсоор тав хоногийн турш олимпын эрхийн тэмцээнийг шууд дамжуулан үзүүлэхээс гадна тэмцээний мэдээ, мэдээллийг шуурхай хүргэн ажиллана.