Сонирхогчдын боксын Ази тивийн аварга шалгаруулах тэмцээн зохион байгуулагдана. 

Ковид-19 цар тахлын тархалтын улмаас Энэтхэг улсын Дели хотноо зохион байгуулагдах байсан сонирхогчдын боксын Ази тивийн аварга шалгаруулах тэмцээн бууриа сэлгэн Арабын Нэгдсэн Эмират улсын Дубай хотноо зохион байгуулагдахаар болсон.

Тавдугаар сарын 24-31 өдрүүдэд зохион байгуулагдах Ази тивийн аварга шалгаруулах тэмцээн нь түүхэндээ анх удаа мөнгөн шагналтайгаар зохион байгуулагдахаар болжээ. Тэмцээний нийт шагналын сан нь 400.000 ам.доллар бөгөөд жин, жингийн медаль хүртсэн тамирчид дараах мөнгөн шагналыг хүртэхээр болжээ. 

Алтан медаль: 10.000 ам.доллар
Мөнгөн медаль: 5.000 ам.доллар
Хүрэл медаль: 2.500 ам.доллар

Манай улсаас Монголын боксын үндэсний шигшээ багийн ахлах дасгалжуулагч Ж.Энхтөр, эрэгтэй багийн дасгалжуулагч А.Гантулга, эмэгтэй багийн дасгалжуулагч Б.Пүрэв-Очирын удирдлага дор дараах тамирчид зодоглоно. 

Эрэгтэй тамирчид:

• Х.Энхмандах 52 кг
• Х.Энх-Амар 57 кг
• Э.Цэндбаатар 63 кг
• Б.Чинзориг 63 кг
• Б.Мишээлт 69 кг
• О.Бямба-Эрдэнэ 75 кг

Эмэгтэй тамирчид:

• Л.Алтанцэцэг 51 кг
• О.Есүгэн 57 кг
• М.Намуун 60 кг