Бөхийн төрлүүдийн Ази тивийн аварга шалгаруулах тэмцээний сонгомол бөхийн төрөл явагдаж дууслаа. 

Хоёр хоногийн турш зохион байгуулагдсан сонгомол бөхийн 10 жинд Иран улсын баг тамирчид дөрвөн алт, хоёр мөнгө, гурван хүрэл медаль хүртсэн амжилтаар хол тасархай тэргүүлсэн бол тэмцээнийг зохион байгуулагч Казахстан улсын баг тамирчид бүх төрлийн медалиас хосоор нь хүртсэн амжилтаар удаалж байна.  

Ази тивийн аварга шалгаруулах тэмцээнд зодоглох монгол бөхчүүдийн мэдээлэл болон тэмцээний дэлгэрэнгүй хуваарийг ЭНД дарж үзнэ үү. 

Сонгомол бөхийн төрлөөс манай улсаас ганцаараа зодоглосон М.Даваабандийн барилдааны болон түүний жингийн алтан медалийн төлөөх барилдааныг бичлэгийг ЭНД дарж үзнэ үү.

Өнөөдөр тэмцээний гурав дахь өдөр хуваарь ёсоор эмэгтэй чөлөөт бөхийн таван жин буюу 50, 55, 59, 68, 76 кг жингүүдийн барилдаан явагдана. Өнөөдөр дэвжээнээ гарах манай бөхчүүд:

50 кг: Нандинцэцэгийн Анударь.
55 кг: Мөнхболдын Дөлгөөн
59 кг: Баатаржавын Шоовдор
68 кг: Энхсайханы Дэлгэрмаа
76 кг: Найгалсүрэнгийн Загардулам