Аваргуудын лигийн шөвгийн наймын тоглолтууд эхэллээ.
Урьд шөнө Манчестер Сити - Борусся Дортмунд, Реал Мадрид - Ливерпүүл гэсэн ганган тоглолтуудаар шөвгийн наймын тоглолтууд хөшгөө нээлээ.
Реал Мадрид 3:1 Ливерпүүл
Аваргуудын лигийн 2017-2018 финалын тоглолтод тус хоёр баг учраа таарахад Реал Мадрид 3:1 харьцаагаар Ливерпүүлийг буулган авч цом өргөж байсан түүх давтагдлаа. Урьд шөнийн тоглолтын нэгдүгээр үед Реал Мадрид клуб талбайдаа илүүрхэж 27 дахь минутад В.Жуниор, 36 дахь минутад Асенсио нар гоолдсон бол Ливерпүүлээс М.Салах 51 дэх минутад гоолдсон ч тоглолтын эхний гоолыг хийсэн В.Жуниор 65 дахь минутад дабль хийснээр тоглолтын эцсийн цэгийг хатгалаа.
Манчестер сити 2:1 Дортмунд
Европын таван лигийн хүрээнд хамгийн хүчтэй тоглолтыг үзүүлж, хаалгандаа хамгийн цөөн гоол алдаад буй тасархай үзүүлэлттэй яваа Манчестер Сити клуб аваргуудын лигийн дээд амжилтуудыг тоглолт бүрдээ эвдэж буй Е.Хааландтай Дортмунд клубын тоглолт үзэгчдийн анхаарлын төвд байлаа. Тоглолтын 19 дэх минутад Де Бруне эхний гоолыг хийж Манчестер сити тэргүүлж 84 дэх минутад Дортмундаас Реус тоог тэнцүүлсэн ч Фоден 90 дэх минутад хожлын гоолыг орууллаа.
